Jublasurium

10'000 Jublanerinne und Jublaner, Zeltlebe, Schlamm, Sunne und unendlich viel Lebensfreu(n)de - meh Jublafeeling gaht nüm!⛺️🌧️🌼

Mir sind am nationale Pfingstlager Jublasurium gsi und hend i Wettinge drü Täg voller Abenteuer, Freud und Gänsehuut erlebt.🐝⭐️

Ob kreativi Ateliers, sportlichi Aktivitäte, Guetnachtgschichtli oder d Silent Disco - für jede und jedi isch öpis debii gsi. Und d'Bühnenmoment mit les Touristes und Hecht sind unvergesslich gsi!✨

Mir hend zeme glacht, gsunge, gspielt, tanzet, sind bis über d'Ohre matschig worde und händ s'Jubla-Läbe in volle Züüg gnosse!

Danke Jublasurium für die magische Täg, für s'Zämesii, für s‘Lagerläbe. Mir gönd müed, dreckig, aber überglücklich hei - mit em Herz voller Erinnerige.